काठमाडौं । काठमाडौं महानगरपालिकाले माघ १० गते मंगलवार (आज) बाट सहिद सप्ताहका कार्यक्रम सुरु गरेको छ ।
आज पहिलो दिन टेकुस्थित मचलीमा सहिद शुक्रराज शास्त्रीको शालिकमा काठमाडौं महानगर प्रमुख बालेन्द्र शाह (बालेन) र उपप्रमुख सुनिता डंगोलले पुष्पगुच्छा अर्पण गरेका छन ।
सो अवसरमा अवसरमा कार्यपालिका सदस्य, वडा सदस्य, महानगरका कर्मचारीसहित सर्बसाधारणले पुष्पगुच्छा चढाएका थिए । यो स्थानलाई वि. सं. २०३५ सालमा तत्कालीन काठमाडौँ नगर पञ्चायतले शिलालेख राखी संरक्षण सुरु गरेको हो ।
कार्यक्रममा महानगरकी उपप्रमुख डंगोलले शास्त्रीको योगदानका विषयमा गर्दै नेपाल भाषालाई व्यवस्थित प्रकाशन गर्नमा शास्त्रीको ठूलो योगदान रहेको बताईन ।
त्यसैगरी वडा १२ का अध्यक्ष बालकृष्ण डंगोलले पनि आफ्नो भनाई राखेका थिए । कार्यक्रममा नेपाल आर्य समाजका अध्यक्ष डा। माधवप्रसाद उपाध्यायले शास्त्रीको बारेमा बोलेका थिए।
यस क्रममा माघ १३ गते सिफलमा सहिद धर्मभक्त माथेमाले अमरत्व प्राप्त गरेको स्थानमा र १५ गते शोभा भगवतीमा गंगालाल श्रेष्ठ र दशरथ चन्दले अमरत्व प्राप्त गरेको स्थानमा स्मृति सभा हुनेछ ।
चार सहिदबारे विस्तृत पढौंः काठमाडौं महानगरले सहिद सप्ताह मनाउँदै
Categorized in समाज
