काठमाडौं । सडक विभागको अधिकार क्षेत्रमा रहेको न्यूरोड सडक सहमति विना काठमाडौं महानगरपालिकाले फुटपाथ विस्तार गर्न काटेको सडक पुर्नस्थापना गर्न भनेको छ ।
विभागले बुधवार काठमाडौं महानगरको नाममा पत्र लेखि २ दिनभित्र सडक यथास्थितीमा पुर्नस्थापना गर्न भनेको छ ।
महानगरले भत्काएको सडक नबनाए सार्वजनिक सडक ऐन, २०३१ बमोजिम कारबाही प्रक्रिया अगाडि बढाउन बाध्य हुने समेत डिभिजन कार्यालयले बताएको छ ।
डिभिजन प्रमुख नारायणदत्त भण्डारीले उक्त काम सार्वजनिक सडक ऐन, २०३१ को दफा १९ को बर्खिलाप देखिएकाले तुरून्त रोकी सडक यथास्थितिमा पुनस्र्थापना गरिदिन फेरि अनुरोध गरेको हो ।
महानगरपालिकाले शनिवार न्यूरोडस्थित जुद्ध शालिक–इन्द्रचोक सडक खण्ड काटेर फुटपाथ विस्तार गर्न खोजेको थियो । यस कार्यको लागि स्थानीयसँग पनि महानगरले कुनै छलफल नगरी एकपक्षीय ढंगबाट सडक भत्काएको स्थानीयको भनाई छ ।
ऐतिहासिक सडकनै सांघुरो बनाएर फुटपाथ विस्तारको नाममा अतिक्रमण भएको भन्दै स्थानीयले निरन्तर ‘सेभ न्यूरोड’ भन्दै अभियान चलाएका छन ।
हेरौं सडक विभागको पत्रः
सम्बन्धीत समाचारः न्युरोड सडक तोडफोड गर्नु कानुन विपरित, स्थानीयको विरोध प्रदर्शन
Categorized in स्थानिय
