जडीबुटीको प्रहरी विट पनि महानगरले हटायो
काठमाडौं । काठमाडौं महानगरपालिकाले जडीबुटीको अस्थायी प्रहरी बिट हटाएको छ ।
कामपा ३२ स्थित रहेको सो प्रहरी विट नगर प्रहरीको डोजरले सोमबार हटाएको महानगरपालिकाले जनाएको छ ।
काठमाडौं महानगरले सडक क्षेत्रमा रहेको प्रहरी विट हाटाउने कार्य अन्तर्गत सो हटाएको हो । यस अघि कामपा २८ को पुरानो बसपार्क र कामपा २९ को मैतिदेखि चोकमा रहेको प्रहरी विट हटाईसकेको छ ।
महानगर प्रमुख बालेन साहले महानगरको सडक मिचेर निर्माण गरिएको १९ वटा यस किसिमका प्रहरी विट हटाउन प्रहरीलाई अनुरोध गरेको थियो ।
उनले बालुवाटारस्थित प्रधानमन्त्री निवास अगाडि रहेको प्रहरी बिट, सामाखुसी, सिनामंगल चोक, चुच्चेपाटी चोक, ढल्को, ताम्सीपाखा, रुद्र असन चोक, न्यूरोड पिपलबोट लगायत क्षेत्रमा रहेका प्रहरी विटहरुको विवरण सावर्जनिक गरेका थिए ।
सम्बन्धीत समाचारः फुटपाथमै १९ वटा प्रहरी विट, हटाउन महानगर प्रमुख बालेनको आग्रह
Categorized in स्थानिय
