काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले आगामी प्रतिनिधि सभा निर्वाचनमा काठमाडौं–८ बाट सुमन सायमिलाई उम्मेदवार बनाउने घोषणा गरेका छन ।
राष्ट्रिय सभा गृहमा आयोजित पार्टी समायोजन कार्यक्रममा बोल्दै प्रचण्डले काठमाडौं–८ बाट सायमिलाई उम्मेदवार बनाइने स्पष्ट पारे ।
“अब काठमाडौं–८ बाट सुमन सायमिलाई जिताउन तयार रहनुहोला,” उनले भने ।
सायमि बुधबार आफ्नै समूहका नेताहरूसहित नेकपा प्रवेश गरेका थिए । फागुन २१ गते हुने प्रतिनिधि सभा निर्वाचनका लागि उनी काठमाडौं–८ बाट चुनावी तयारी सुरु गरिसकेका छन ।
यसअघि सायमिले गत स्थानीय तह निर्वाचनमा काठमाडौं महानगरपालिकाको मेयरमा स्वतन्त्र उम्मेदवारी दिएका थिए ।
उक्त निर्वाचनमा उनले १३ हजार ७७० मत प्राप्त गरेका थिए ।
Categorized in राष्ट्रिय
