७ मङ्सिर २०८३, आइतबार
Binod Yojesh Ram

स्टार्टअप कर्जामा यी ५ क्षेत्र प्राथमिकता, १० हजार बढीको प्रस्ताव पेस 


प्रकाशित: बुधवार, १० मंसिर २०८२, १६ः५० बजे
- महानगरखबर

काठमाडौं । नयाँ उद्यमशीलता प्रवद्र्धन गर्ने उद्देश्यसहित सञ्चालन भइरहेको स्टार्टअप कर्जा कार्यक्रमप्रति उद्यमीको आकर्षण झन् बढ्दो छ । 


औद्योगिक व्यवसाय विकास प्रतिष्ठानले चालु वर्षका लागि आवेदन खुला गरेपछि १० हजारभन्दा बढी उद्यमीले आफ्ना परियोजना प्रस्ताव पेस गरेका छन । 


प्रतिष्ठानले १९ कात्तिकदेखि २१ दिनका लागि आवेदन खुला गरेको थियो ।  


९ मंसिरमा सकिएको समयसीमासम्म कुल १० हजार २ सय ४४ आवेदन प्राप्त भएको प्रतिष्ठानका कार्यकारी निर्देशक उमेश गुप्ताले बताए । 


तीमध्ये २ हजार ४१ उद्यमीले कार्यालयमा भौतिक रूपमा उपस्थित भएर प्रस्ताव दर्ता गराएका थिए भने ८ हजार २ सय ३ जनाले अनलाइनमार्फत आवेदन दिएका छन । 


सरकारले चालु आर्थिक वर्ष २०८२/८३ का लागि स्टार्टअप कर्जा कार्यक्रममा ७३ करोड रुपैयाँ बजेट विनियोजन गरेको छ । 


यो प्रतिष्ठानमार्फत तेस्रोपटक कर्जा प्रवाह हुन लागेको हो। गत वर्ष १ अर्ब रकम विनियोजित भए पनि ८८ करोड ६६ लाख रुपैयाँ कर्जा मात्र प्रवाह भएको थियो । 


कर्जा सीमा घट्यो, न्यूनतम भने यथावत


नयाँ ‘स्टार्टअप उद्यम कर्जा सञ्चालन कार्यविधि २०८२’ अनुसार अब उद्यमीले बढीमा २० लाख रुपैयाँसम्म मात्र कर्जा पाउनेछन ।


यसअघिसम्म कर्जा सीमा २५ लाख थियो । न्यूनतम कर्जा सीमा भने ५ लाख कायम राखिएको छ ।

 
कार्यविधिअनुसार दर्ता भएको १० वर्ष ननाघेको, १५ करोड रुपैयाँभन्दा कम वार्षिक कारोबार भएको तथा नवीन एवं सिर्जनशील उद्यम मात्रै कर्जाका लागि योग्य मानिनेछन । 


यसपटक कर्जा सुरक्षणका लागि अनिवार्य निक्षेप पनि कम गराइएको प्रतिष्ठानले जनाएको छ । 


विगतमा २५ प्रतिशत रकम निक्षेप गर्नुपर्ने प्रावधानमा संशोधन गर्दै यस वर्ष १० प्रतिशत मात्र छुट्याए पुग्ने व्यवस्था मिलाइएको हो । 


प्रतिष्ठानले कुल बजेटमध्ये ३ प्रतिशत प्रशासनिक खर्च कटाएर बाँकी रकम कर्जाका रूपमा प्रवाह गर्नेछ ।


मुख्य पाँच क्षेत्रलाई प्राथमिकता



कृषि, वन तथा उत्पादनमूलक उद्यम


सूचना तथा डिजिटल प्रविधि


पूर्वाधार तथा यातायात सेवा


सामाजिक सेवा तथा पर्यटन


परम्परागत तथा स्थानीय स्रोतमा आधारित उद्यम


२ करोड ९० लाख रुपैयाँ ऋण फिर्ता


प्रतिष्ठानका कार्यकारी निर्देशक गुप्ताका अनुसार स्टार्टअप कर्जाको प्रभावकारिता राम्रो देखिएको छ । 


उनका अनुसार पहिलो र दोस्रो वर्षका ऋणीहरूले ३ प्रतिशत ब्याजदरमा नियमित किस्ता तिर्दै आएका छन ।  


“हालसम्म २ करोड ९० लाख रुपैयाँ सरकारी खातामा ऋण फिर्ता भइसकेको छ,” गुप्ताले भने । 


उनका अनुसार स्टार्टअपको वृद्धि सम्भावना बढेका कारण कार्यक्रमलाई विस्तार र सुधार गर्नुपर्ने आवश्यकता बढ्दो छ।
 

asteriskhubs
Home Page Bottom Second


nuhadya 1147
binod rajbhandari
Yogesh Khadgi KMC 27
maharjan complex
ramkrisna naya bachat
dev dai naya bachat
kmc 12 bala
bagmati gaupalika