काठमाडौं । दशैं बिदापछि मंगलबारदेखि नेपाल शेयर बजार (नेप्से) पुनः सञ्चालन हुँदैछ। बजार खुलेसँगै लगानीकर्ताको ध्यान हाल लाभांश घोषणा गरेका कम्पनीतर्फ केन्द्रित भएको छ।
बजारमा सूचीकृत र नाफामा रहेका विभिन्न कम्पनीहरूले लगानीकर्तालाई लाभांश घोषणा गरिरहेका छन् ।
अहिले सम्म १८ कम्पनीले लाभांश घोषणा गरिसकेका छन्, जसमा ५ कम्पनीको बुक क्लोज भइसकेको छ भने १२ कम्पनीको बुक क्लोज बाँकी छ ।
बुक क्लोज मितिभन्दा अघिल्लो दिनसम्म सेयर खरिद गर्ने लगानीकर्ताले सो कम्पनीको लाभांश पाउने र साधारणसभामा सहभागी भई अधिकार प्रयोग गर्न पाउने व्यवस्था छ।
आर्थिक वर्ष सकिएको ६ महिनाभित्र कम्पनीहरूले साधारणसभा गरी लाभांश स्वीकृत गर्नुपर्ने कानूनी व्यवस्था रहेको छ। त्यसैले अधिकांश कम्पनीले पुस मसान्तभित्र साधारणसभा सम्पन्न गर्ने तयारी गरेका छन् ।
साधारणसभाबाट लाभांश स्वीकृत भएपछि लगानीकर्ताले नगद लाभांश बैंक खातामा र बोनस सेयर डिम्याट खातामा प्राप्त गर्नेछन्।
लाभांश घोषणा गरेका कम्पनीहरू
वाणिज्य बैंकहरू
एभरेस्ट बैंक: १४% नगद, ६% बोनस (बुक क्लोज – असोज २४)
सानिमा बैंक: ७.३६८५% नगद (बुक क्लोज – असोज २७)
सिटिजन्स बैंक: ०.२६३% नगद, ५% बोनस (बुक क्लोज घोषणा बाँकी)
माछापुच्छ्रे बैंक: ४% नगद, ४% बोनस (बुक क्लोज सम्पन्न)
विकास बैंकहरू
मुक्तिनाथ विकास बैंक: ४.६७% नगद, १३.५३% बोनस (बुक क्लोज – असोज ३१)
कामना सेवा विकास बैंक: ५.७८९५% नगद, १०% बोनस (बुक क्लोज सम्पन्न)
फाइनान्स कम्पनी
मञ्जुश्री फाइनान्स: १५% नगद (बुक क्लोज – असोज २२)
लघुवित्त संस्था
आरएसडीसी लघुवित्त: ८% नगद (बुक क्लोज घोषणा बाँकी)
गुराँस लघुवित्त: ०.७५% नगद, १४.२५% बोनस (बुक क्लोज घोषणा बाँकी)
हाइड्रोपावर कम्पनीहरू
भगवती हाइड्रोपावर: ६% नगद, १४% बोनस (बुक क्लोज – असोज २१)
अरुणभ्याली हाइड्रोपावर: ०.४२१% नगद, ८% बोनस (घोषणा बाँकी)
युनिभर्सल पावर: ०.४७३७% नगद, ९% बोनस (बुक क्लोज सम्पन्न)
मिडसोलु हाइड्रोपावर: ०.७८९% नगद, १५% बोनस (घोषणा बाँकी)
सिक्लेस हाइड्रोपावर: ०.७८९% नगद, १५% बोनस (घोषणा बाँकी)
उत्पादन तथा प्रशोधन कम्पनीहरू
युनिलिभर नेपाल: १,८४२% नगद (बुक क्लोज – कात्तिक ११)
नेपाल ल्युब आयल: २०% बोनस (बुक क्लोज सम्पन्न)
लगानी समूह
निफ्रा: ६.३१५८% नगद (घोषणा बाँकी)
हाथवे इन्भेस्टमेन्ट: ०.५३२% नगद, १२% बोनस (बुक क्लोज सम्पन्न)
Categorized in बजार
