काठमाडौं । अविरल वर्षाका कारण टोखा नगरपालिका–४ धापासी लाम्पाखा चोकमा शुक्रबार दिउँसो पहिरो गएको छ ।
शुक्रबार दिउँसो करिब ३ः३० बजे गएको पहिरोका कारण उक्त क्षेत्रको सडक पूर्ण रूपमा अवरुद्ध भएको छ ।
साथै, पहिरोले एउटा ट्रान्सफर्मर सहित ६ वटा विद्युत पोल ढाल्दा सो क्षेत्रमा हिजोदेखि नै विद्युत आपूर्ति अवरुद्ध भएको छ ।
स्थानीयका अनुसार मानवीय क्षति भने नभएको जनाइएको छ ।पहिरोसँगै रुख ढाल्दा नजिकैको सेल्सबेरीमा सामान्य क्षति पुगेको छ ।
सडक र विद्युत मर्मतमा कति समय लाग्ने भन्नेबारेमा हालसम्म कुनै निश्चित जानकारी आएको छैन ।
Categorized in स्थानिय
