काठमाडौं । नेपाली बजारमा आइतबार सुनको मूल्य एकैदिनमा ३ हजार ४ सय रुपैयाँले बढेको छ ।
नेपाल सुनचाँदी व्यवसायी महासंघका अनुसार आज आइतवार छापावाला सुनको मूल्य प्रतितोला १ लाख ९६ हजार ५ सय रुपैयाँ पुगेको छ ।
यो मूल्य अघिल्लो कारोबार दिन शुक्रबारको मूल्यभन्दा ठ्याक्कै ३ हजार ४ सय रुपैयाँले बढी हो ।
शुक्रबार सुन प्रतितोला १ लाख ९३ हजार १ सय रुपैयाँ मा कारोबार भएको थियो ।
यसअघि वैशाख ९ गते सुनको मूल्य हालसम्मकै उच्च बिन्दु १ लाख ९७ हजार ९ सय रुपैयाँ पुगेको थियो ।
सुनसँगै चाँदीको मूल्य पनि बढेको छ । अघिल्लो कारोबार दिन २ हजार २ सय ३५ रुपैयाँ रहेको चाँदी आइतबार प्रतितोला २ हजार २ सय ५० रुपैयाँ मा कारोबार भएको छ, जुन १५ रुपैयाँ को वृद्धि हो ।
Categorized in बजार
