काठमाडौं । काठमाडौं महानगरपालिकाको कार्यपालिका भोलि शुक्रबार बस्न लागेको छ ।
महानगर प्रमुख बालेन शाहले असार २६ गते दिउँसो २ बजे कार्यपालिका बैठक बोलाएका हुन । बैठक ६ महिनापछि बस्न लागेको हो ।
वडा नम्बर २६ का वडाध्यक्ष ख्याम तिवारीका अनुसार बैठकका लागि तयारी पूरा भइसकेको छ ।
स्थानीय सरकार सञ्चालन ऐन अनुसार कार्यपालिका बैठक डाक्ने अधिकार मेयरसँग छ र महिनामा एकपटक बैठक बस्नुपर्ने व्यवस्था छ ।
तर काठमाडौं टावरको नक्सा पास विवादपछि पुस महिनादेखि मेयर शाहले बैठक नबोलाएका थिए ।
बजेट पारित गर्नुपर्ने बाध्यताका कारण अन्ततः बैठक बोलाउनुपरेको हो । उपमेयर सुनिता डंगोल र तीन जना वडाध्यक्षले मेयर शाहसँग पटकपटक छलफल गरेपछि यो सम्भव भएको हो ।
बैठकको मुख्य उद्देश्यस् आगामी आर्थिक वर्षको बजेट प्रस्तुत गर्ने रहेको छ ।
Categorized in पालिका
