७ मङ्सिर २०८३, आइतबार
Binod Yojesh Ram

सुनचाँदी व्यवसायीहरू पुनः आन्दोलनमा


प्रकाशित: शुक्रवार, १३ असार २०८२, १४ः०० बजे
- महानगरखवर

काठमाडौं । नेपाल सुनचाँदी रत्न तथा आभूषण महासंघ र नेपाल सुनचाँदी व्यवसायी महासंघ एक पटक पुनः सडक आन्दोलनमा उत्रिएका छन । 


उनीहरूले बजेटमार्फत सरकारले सुनचाँदीका गहनामा २ प्रतिशत विलासिता कर लगाएको विरोध जनाउँदै आन्दोलन सुरू गरेका हुन्।


यसअघि ५ असारमा आन्दोलन स्थगित गरेको यी व्यवसायीहरूले सरकारले बजेट संशोधनको बेला आफ्नो माग सम्बोधन गर्ने आश्वासन दिएको थियो । तर, जब सो आश्वासन पूरा भएन, उनीहरूले पुनः आन्दोलनमा उत्रन बाध्य भएका छन । 


व्यवसायीहरूले भनेका छन् कि यसअघि सुनका गहनामा १० लाख रुपैयाँभन्दा माथिको मूल्यमा मात्र विलासिता कर लाग्ने थियो, तर नयाँ बजेटमार्फत जुनसुकै मूल्यको सुन वा सुनका गहनामा अब २ प्रतिशत विलासिता कर लागू भएको छ ।


सुनचाँदी व्यवसायीहरूको मुख्य माग भनेको २ प्रतिशत विलासिता कर खारेज गर्नु, साथै बहुमूल्य पत्थरमा १३ प्रतिशत मूल्य अभिवृद्धि कर (भ्याट) खारेज गर्नु हो। यसका साथै, उनीहरूले चेतावनी दिएका छन् कि असार मसान्त भित्र माग सम्बोधन नभएमा विभिन्न समूहहरूसँग मिलेर साझा संघर्ष र सशक्त आन्दोलन गर्नेछन्।


आन्दोलनको असरसँगै, अब बैंक र होलसेल पसलले थोकमा बिक्री गर्दा पनि २ प्रतिशत विलासिता कर लागू हुने भएको छ। व्यवसायीहरूले बताएको छ कि सुन वा सुनका गहना खरिद गर्दा ६ प्रतिशतभन्दा बढी विलासिता शुल्क तिर्नुपर्ने स्थिति सिर्जना भएको छ।


व्यवसायीहरूको आरोप छ कि सरकारले गर्न लागेको करका कारण सुनचाँदी व्यवसायमा नकारात्मक असर पर्न सक्छ र यसको असर सिधै उपभोक्तामा पर्नेछ ।


यस विषयमा सरकारसँगको संवादका लागि व्यवसायीहरू थप जानकारीको पर्खाइमा छन् र आन्दोलन जारी राख्ने चेतावनी दिएका छन ।

asteriskhubs
Home Page Bottom Second


nuhadya 1147
binod rajbhandari
Yogesh Khadgi KMC 27
maharjan complex
ramkrisna naya bachat
dev dai naya bachat
kmc 12 bala
bagmati gaupalika