ललितपुर । ललितपुरको महाँकाल गाउँपालिका–६ स्थित ठुलादुर्लुङमा बुधबार साँझ आएको बाढीले एक सवइञ्जिनियरको ज्यान लिएको छ ।
भर्याङखोल्सामा आएको आकस्मिक बाढीले बगाउँदा २१ वर्षीय सविन दाहालको मृत्यु भएको हो ।
मृतक दाहाल महाँकाल गाउँपालिका–४ कालेश्वर स्थायी घर भई ललितपुर महानगरपालिका–२९ हरिसिद्धीमा बस्दै आएका थिए । उनी हाल महाँकाल गाउँपालिकामै कार्यरत सवइञ्जिनियर हुन ।
गाउँपालिका अध्यक्ष विनोद चौलागाईंका अनुसार साँझ करिब ७ः३० बजेतिर बाढी आएको थियो । बाढीले बगाएको खबरपछि खोजी गर्दा राति करिब १० बजेतिर शव फेला पारेका हौँ, अध्यक्ष चौलागाईंले जानकारी दिए ।
उनका अनुसार घटनास्थल आसपासका सडकसमेत अवरुद्ध छन र उद्धार तथा शव व्यवस्थापनका लागि नेपाली सेनाको हेलिकप्टरसमेत माग गरिएको छ ।
हाल घटनास्थलमा सुरक्षाकर्मी र स्थानीय स्वयंसेवक परिचालन गरिएको छ भने बाढीका कारण थप क्षति भए–नभएकोबारे विवरण संकलन कार्य भइरहेको छ ।
Categorized in समाज
