काठमाडौं । ललितपुर गोदावरी नगरपालिकाको थैबबाट सानागाउँ जाने बाटो बनाउँदा जेसीबीले पोल उठाउँदा सो बिजुलीको पोलले लागेर स्थानीय रमेश खड्गीको मृत्यु भएको छ ।
प्रहरीका अनुसार डोजरले बाटो खन्ने क्रममा पोल सार्दा पोल ढलेर लाग्दा उनको मृत्यु भएको हो । ५५ वर्षीय खड्गी पोलले लागेर घाइते भएपछि अस्पताल लगिएको थियो ।
तर उनलाई अस्पताल पुर्याएलगत्तै चिकित्सकले मृत घोषणा गरेका हुन ।
प्र . ३–०१ ००३ क ६७४२ नम्बरको जेसिपिले विद्युतको पोल अडाउने र सार्ने काम गर्ने क्रममा ढलेको थियो ।
उनको मृत्यु भएपछि स्थानीयहरूले सो क्षेत्रमा टायर बालेर प्रदर्शन गरिरहेका छन ।
Categorized in समाज
