काठमाडौं । आज (शुक्रबार) सुनको मूल्यले पुनः नयाँ रेकर्ड बनाएर सबै रेकर्डहरु तोडन सफल भएको छ ।
नेपाल सुनचाँदी व्यवसायी महासंघका अनुसार आज सुन प्रतितोला एक लाख ७६ हजार दुई सय रूपैयाँ पुगेको छ ।
यसअघि गत चैत ६ गते हालसम्मकै उच्च मूल्यमा सुनको कारोबार भएको थियो । यस दिन सुन प्रतितोला एक लाख ७६ हजार रूपैयाँमा कारोबार भएको थियो ।
यस्तै बिहीबार भने प्रतितोला एक लाख ७४ हजार आठ सय रूपैयाँमा सुनको कारोबार भएको थियो।
बिहीबारको तुलनामा शुक्रबार भने सुनको मूल्य प्रतितोला एक हजार चार सय रूपैयाँ बढेको हो ।
यसैगरी, शुक्रबार चाँदीको मूल्य पनि अघिल्लो दिनको तुलनामा बढेको छ । चाँदीको मूल्य प्रतितोला दुई हजार ४० रूपैयाँमा कारोबार भइरहेको महासंघले बताएको छ ।
बिहीबार चाँदी प्रतितोला दुई हजार २० रूपैयाँमा कारोबार भएको थियो ।
28 March 2025, Friday
Categorized in बजार
