काठमाडौं । सिरियामा विद्रोहीहरु प्रमुख शहरहरु कब्जा गर्दै अघि बढेपछि राष्ट्रपति बसर अल असाद राजधानी दमिस्क छाडेका छन ।
उनी बाध्य भएर दमस्क छाडेका हुन । रोयटर्सले सिरियाका दुई वरिष्ठ अधिकारीको स्रोत उद्धृत गर्दै राष्ट्रपति बसर अल असदले राजधानी छाडेको समाचार लेखेको छ । यद्यपि उनी राजधानी छाडेर कहाँ गए भन्ने उल्लेख छैन ।
मिडिया रिपोर्टहरुका अनुसार राजधानी दमिस्कमा गोली चलेको आवाज सुनिएको छ । सिरियन अब्जरभेटरी फर ह्युमन राइट्सले राजधानी दमिस्कबाट एउटा निजी विमान उडेको र त्यसमा राष्ट्रपति बशर अल असद हुनसक्ने जनाएको छ ।
Categorized in अन्तर्राष्ट्रिय
