काठमाडौं । मंसिर १६ गते सम्पन्न स्थानीय उपनिर्वाचनमा मत परिणाम आइसेको अवस्था छ ।
४४ स्थान मध्ये ३ ठाउँमा निर्विरोध भएकोमा ४१ स्थानमा मतदान भएको निर्वाचन आयोगले जनाएको छ ।
आयोगका अनुसार नेपाली कांग्रेसले १९ स्थानमा जित प्राप्त गरेका छन । ओखलढुंगा र कैलाली जिल्ला समन्वय समिति प्रमुख भने कांग्रेसले निर्विरोध जित हासिल गरेको हो ।
नेकपा माओवादी केन्द्रले ११, एमालेले ८, जनता समाजवादी पार्टी नेपालले २, राष्ट्रिय स्वतन्त्र पार्टीले १, एकीकृत समाजवादीले १, नेपाल मजदुर किसान पार्टीले १ र स्वतन्त्र उम्मेदवारले १ पदमा जित हासिल गरेका छन ।
यस अघि यी रिक्त स्थानमा कांग्रेसका २५, एमालेका ७, माओवादीका ८, जसपाका १ र स्वतन्त्र १ पद थियो ।
कांग्रेसले कीर्तिपुर नगरपालिका प्रमुखसहित २ वडा अध्यक्षमा जिते । कीर्तिपुरको ४ वडा यस अघि स्वतन्त्रले जितेको थिए भने वडा १ कांग्रेसकै थियो ।
काठमाडौं– १६ मा कांग्रेसको वडा अध्यक्ष राष्ट्रिय स्वतन्त्र पार्टी (रास्वपा)की रोजीना श्रेष्ठले जितिन ।
Categorized in स्थानिय
