काठमाडौं । छठपर्व मनाउनको लागि काठमाडौं महानगरभित्र विभन्नि ८ स्थानमा छठघाट निर्माण गरिएको छ ।
महानगरका अनुसार काठमाडौंको वडा ८ स्थितगौरी घाट, कोटेश्वर दोभान, वडा ३२, .कमल पोखरी, वडा १, वंशीघाट, वडा ११, बालाजु बाइसधारा, वडा १६मा छठघाट निर्माण गरिएको छ ।
त्यसैगरी, धौखेल खोला, वडा १३, कुमारी क्लब, वडा १४, भुवनेश्वरी मन्दिर, वडा १४ पनि छठ मनाउनको लागि घाट निर्माण गरिएको हो ।
यस अवसरमा विहिवार सरकारले सार्वजनिक विदा समेत दिएको छ । बिहीबार व्रतालुले अस्ताउँदो सूर्यलाई र शुक्रबार उदाउँदो सूर्यलाई अर्घ दिई छठ पर्व सम्पन्न गर्छन ।
काठमाडौं महानगर प्रमुख बालेन्द्र साहले तिहारको समापनसँगै छठ पर्वको हर्षेल्लाष शुरू भएको बताएको छ ।
‘छठ पर्व सूर्यदेवको अनुष्ठान हो । हरेक मानवले जन्मदेखि मृत्युपर्यन्त देख्ने विशालकाय शक्ति अनि उर्जा केन्द्र सूर्यसँगको मानवको सहअस्तित्वसँगै सांस्कृतिक पृष्ठभूमि पनि जोडिएको छ छठसँग ।’ उनले भने ।
तराईको केहि क्षेत्र केन्द्रित मनाइने छठ पर्व अहिले आएर हिमाल, पहाड अनि तराई सर्वत्र प्रचलित हुँदै आएको उनले बताएका छन ।
Categorized in सम्पदा/संस्कृति
