काठमाडौं । पशुपति क्षेत्र विकास कोषलाई पशुपति गौशाला धर्मशाला खाली गराउने कार्य रोक्न मन्त्रालयको निर्देशन दिएको छ ।
बुधवार संस्कृति, पर्यटन तथा नागरिक मन्त्रालयले परिषद बैठकको आव्हान गर्दै हाललाई धर्मशालासम्बन्धमा कुनै काम नगर्न कोषलाई निर्देशन दिएको हो ।
गौशाला धर्मशालासम्बन्धी विवाद अन्त्य गर्ने प्रयासस्वरुप पशुपति क्षेत्र विकास कोषको बैठक आह्वान गरेको छ । परिषदको बैठक कातिक ४ गते आइतवार विहान ९ बजेका लागि मन्त्रालयमा बोलाएको छ ।
‘शान्ति सुरक्षामा समस्या उत्पन्न भएको’ भन्दै कोषलाई गरेको पत्राचारमा पशुपति गौशाला धर्मशाला खाली गराउने काम रोक्न निर्देशन समेत दिएको हो ।
यस अघि कोषले कोषले धर्मशालालाई कुनै व्यक्ति वा व्यापारिक समूहलाई सञ्चालन गर्न नदिने निर्णय गर्दै गैरनाफामूलक ढङ्गले काठमाडौँ महानगरपालिकासँगको सहकार्यमा सञ्चालन गर्ने घोषणा गरेका थिए ।
सोही सम्झौता अनुसार महानगरले कार्य अघि बढाएपछि अहिले विवाद उत्पन्न सुरु भएको छ ।
धर्मशाला सञ्चालन गर्दै आएको मारवाडी सेवा समिति कोषको निर्णयको विरोध गर्दै प्रदर्शनमा उत्रिएका छन ।
अहिले महानगरले सो स्थानमा महानगरपालिकाद्धारा सञ्चालिन पशुपति गौशाला धर्मशाला लेखिएको बोर्ड राखेको छ ।
मन्त्रालयको पत्र हेर्नुहोसः
Categorized in सम्पदा/संस्कृति
