काठमाडौं । सोमवार २७ अर्ब २४ करोड रुपैयाँ बराबरको कारोबार भएको सेयर बजार मंगलवार घटेको छ ।
मंगलबार सेयर बजारको परिसूचक नेप्से घटेको हो । यस दिन कुल २१ अर्ब ५१ करोड रुपैयाँ बराबरको कारोबार भएको छ ।
आइतबार पौने २६ अर्ब रुपैयाँ बराबरको कारोबार भएको सेयर बजारमा सोमबार बढेपछि नेप्से परिसुचक २९३१ अंक कायम भएको थियो ।
अघिल्लो दिनको तुलनामा यस दिन ८.१८ अंकले नेप्से घटेसँगै २९२३ अंकमा कायम भएको छ ।
८० कम्पनीको मूल्य बढ्दा १५७ को घट्यो भने ६ को स्थिर रह्यो ।
यस दिन बैंकिङ ०.४५, फाइनान्स १.५७, जीवन बीमा ०.५४ तथा व्यापार समूह ०.०६ प्रतिशत बढे ।
त्यसैगरी, विकास बैंक १.३६, होटल तथा पर्यटन २.२५, उत्पादन १.४०, माइक्रोफाइनान्स १.१३, निर्जीवन बीमा १.०२ र अन्य समूह सूचक ०.७४ प्रतिशत घटे ।
Categorized in बजार
