काठमाडौं । आइतवार सुनको मूल्यले फेरि नयाँ रेकर्ड बनाएको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४५ हजार चार सय रूपैयाँ र तेजाबी सुन प्रतितोला एक लाख ४४ हजार सात सय रूपैयाँमा कारोबार भइरहेको छ ।
शुक्रवारवारको तुलनामा आज सुन भाउ प्रतितोला एक हजार रूपैयाँ बढेको हो ।
यसअघि गत जेठ २५ गते सुन प्रतितोला एक लाख ४५ हजार रूपैयाँमा कारोबार भएको थियो ।
शुक्रबार छापावाल सुन प्रतितोला एक लाख ४४ हजार चार रूपैयाँ र तेजाबी सुन प्रतितोला एक लाख ४३ हजार सात सय रूपैयाँमा कारोबार भएको थियो ।
आइतबार चाँदीको मूल्य प्रतितोला २० रूपैयाँ बढेर एक हजार आठ सय ९० रूपैयाँ पुगेको महासंघले जनाएको छ ।
शुक्रबार चाँदी प्रतितोला एक हजार आठ सय ७० रूपैयाँमा कारोबार भएको थियो ।
Categorized in बजार
