काठमाडौं । प्रधानमन्त्री पुष्पकमल दाहाल प्रचण्डले तीन वटा समस्याग्रस्त सहकारीको रकम फिर्ता गरेकोे बताएको छ ।
विहिवार प्रतिनिधि सभा बैठकमा प्रधानमन्त्रीसँग प्रश्नोउत्तर कार्यक्रममा कांग्रेसका सांसद जीवन परियारले गरेको प्रश्नको जवाफ दिँदै प्रम दाहालले सो कुरा जानकारी दिएका हुन ।
उनले ती सहकारी पीडितका ७७ करोड २४ लाख ४६ हजार ४५८ रुपैयाँ बचत रकम सरकारले फिर्ता भुक्तानी गरिसकिएको बताए ।
बिहीबार प्रतिनिधि सभा बैठकमा प्रधानमन्त्रीसँग प्रश्नोउत्तर कार्यक्रममा नेपाली कांग्रेसका सांसद जीवन परियारले गरेको प्रश्नको जवाफमा प्रधानमन्त्रीले यस्तो बताएका हुन ।
‘समस्याग्रस्त घोषणा भएका सबै सहकारी संस्थाका बचतकर्ताहरुबाट ५९ हजार ५ सय ८७ माग दाबी निवेदनका आधारमा ३६ अर्ब २८ करोड ९२ लाख ८१ हजार ७८०को दायित्व यकिन भएको छ । यसमध्ये हालसम्म ७७ करोड २४ लाख ४६ हजार ४५८ बचत रकम पीडितलाई फिर्ता भुक्तानी गरिसकिएको छ,’ उनले भने ।
प्रधानमन्त्री दााललले सरकारले २० सहकारीलाई समस्याग्रस्त घोषणा गरी समस्याग्रस्त सहकारी व्यवस्थापन समितिमार्फत बचत फिर्ताको प्रक्रिया अगाडि बढाएको बताए ।
छुट्टै नियामक निकाय स्थापना गर्ने, सहकारी कर्जा सुरक्षण कोष स्थापना गर्ने छुट्टै कानूनी प्रक्रिया अगाडि बढाइएको उनले उल्लेख गरे ।
Categorized in सहकारी
