काठमाडौं । नयाँ बानेश्वरस्थित संघीय संसद् भवनको सुरक्षार्थ खटिएका प्रहरी जवान गोली लागेको अवस्थामा मृत फेला परेको छ ।
बुधवार विहान संघीय संसद भवनको पश्चिम गेटको २ नम्बर गेटमा सुरक्षार्थ खटिएका प्रहरी जवान २२ बर्षिय अजित गोले मृत फेला परेको हो ।
काठमाडौं प्रहरी परिसरका प्रवक्ता एसपी नवराज अधिकारीका अनुसार संसद भवनको २ नम्बर गेटका बायाँपट्टी रहेको शौचालय गएका उनले आफूले बोकेको इन्सास राइफलले आफ्नै निधारमा फायर गरेका थिए ।
उनी बिहान ८ः१५ बजे शौचालया मृत भेटिएको प्रहरी अधिकारीको भनाई छ ।
मृतक अजित दोलखाको मेलुङ गाउँपालिका–४ घर भई नेपाल प्रहरी केन्द्रीय विशेष कार्यदल कपन दरबन्दी भई काठमाडौं उपत्यका प्रहरी कार्यालय संघीय संसद सुरक्षा वेस नयाँबानेश्वरमा कार्यरत थिए ।
आजै बिहान ६ बजेदेखि १० बजेसम्मको ड्युटी पालोमा २ नम्बर गेटमा हतियारसहित सुरक्षार्थ खटिएका थिए ।
घटनाबारे प्रहरीको प्रारम्भिक निष्कर्ष मृतक प्रहरी जवान अजितले आत्महत्या गरेको हुन सक्ने बताएको छ ।
Categorized in राष्ट्रिय
