काठमाडौं । सहकारी पीडितहरुले शुक्रवारबाट काठमाडौं केन्द्रित आन्दोलन सुरु गरेका छन ।
उनीहरुले आज माइतीघर मण्डलबाट प्रदर्शन सँगै रिले अनसन पनि सुरु गरेका छन ।
साँझदेखि माइतिघर मण्डलमा रिले अनसनमा ६/६ घण्टामा अनसनकर्ता फेरिने छन । अहिले सहकारी बचतकर्ता संरक्षण राष्ट्रिय अभियान महासंघका अध्यक्ष कुशलभ केसी अनसनमा बसेका छन ।
सरकारले बजेटमा सहकारीको रकम फिर्ताको लागि कार्यक्रम ल्याएर सो व्यवस्था राजपत्रमा उल्लेख भएपछि मात्रै आन्दोलन स्थगित हुने पीडितहरुको भनाई छ ।
सरकार र सहकारी पीडितहरूबीच शुक्रबार भएको छलफल बिना निष्कर्ष टुंगिएको छ ।
भूमि व्यवस्था, सहकारी तथा गरिबी निवारण मन्त्रालयले शुक्रबार बार्ता भएको थियो ।
संरक्षण राष्ट्रिय अभियान महासंघमा मुलुकभरका तीन सय ५० वटा सहकारीका पीडितहरु आवद्ध भएर आन्दोलन गर्दै आएका छन ।
महासंघका अनुसार यी पीडितहरूले सहकारीहरूबाट कुल दुई खर्ब ५० अर्ब बराबरको रकम प्राप्त गर्न बाँकी छ ।
यसअघि सरकारसँग भएको सहमति कार्यान्वयन नभएपछि शुक्रवाट तेस्रो चरणको आन्दोलन सुरु गरेका हुन ।
गत चैत ८ गते भूमि व्यवस्था, सहकारी तथा गरिबी निवारण मन्त्रालय र पीडितहरूबीच समस्या समाधानको लागि सहमति भएको थियो ।
फाइल तस्वीर
Categorized in सहकारी
