काठमाडौं । त्रिभुवन अन्तर्राष्ट्रिय विमानस्थलबाट एक किलो ७० ग्राम सुन विमानभित्रको एक सिटमा भेटिएको छ ।
त्रिभुवन अन्तर्राष्ट्रिय विमानस्थल सुरक्षा कार्यालयका अनुसार विमानस्थलमा रहेको एयर इन्डिगो एयरलाइन्सको विमानको सिटमा एक किलो सुन फेला परेको हो ।
बुधबार बिहान ११ बजे भारतको दिल्ली भई काठमाडौं आएको फ्लाइट ६ इ ११५१ इन्डिगो एयरको सिटमा एक किलो ७० ग्राम सुन बरामद भएको प्रहरीले जनाएको छ ।
प्रहरी अधिकारीका अनुसार इन्डिगो एयरको सिट नम्बर २७ चार्लीको पछाडि, २८ चार्लीको अगाडि रहेको सिटमा भएको पकेट (खल्ती) को तलपट्टी बेवारिसे अवस्थामा कालो र सेतो रङको टेपले बेरिएको अवस्थामा सुन फेला परेको हो ।
तीन वटा सिक्री, ६ वटा आयातकार टुक्रा (एउटा सानो र पाँच वटा ठूला बिस्किट), त्रिभुज आकारका दुई वटा टुक्रा र दुई वटा सिक्री जोड्ने रिङ फेला परेको हो ।
Categorized in बजार
