काठमाडौं । नेकपा एमाले अध्यक्ष केपी शर्मा ओलीमाथि धनकुटामा हातपात भएको छ ।
बिहीबार मध्याह्न करिब १२ बजेतिर अध्यक्ष ओलीमाथि लेगुवा भन्ने ठाउँमा हातपात भएको भिडियो सार्वजनिक भएको छ ।
ओलीलाई स्वागत गर्ने क्रममा एक व्यक्ति ओलीतर्फ अघि बढेर मुक्का प्रहार गरेको देखिएको छ ।
अध्यक्ष ओलीमाथि हातपात गर्नेलाई प्रहरीले नियन्त्रणमा लिएको छ । ओलीमाथि हातपात गर्ने व्यक्ति महेश राई भएको बुझिाएको छ ।
धनकुटाका प्रमुख जिल्ला अधिकारी पुण्यविक्रम पौडेलका अनुसार ती व्यक्तिले मादक पदार्थ सेवन गरेको पाइएको छ ।
ओली मध्यपहाडी लोकमार्गकेन्द्रित पूर्वपश्चिम अभियानका क्रममा आज धनकुटा पुगेका थिए ।
Categorized in राष्ट्रिय
