काठमाडौं । धामीझाक्रीको अन्धविश्वासमा पर्दा सर्पले टोकेको एक किशोरीको सुर्खेतमा मृत्यु भएको छ ।
सुर्खेतको वीरेन्द्रनगरदेखि पश्चिम जामुकी पञ्चपुरी नगरपालिका–१० जामुकी १४ वर्षीय हरिकला उपाध्यायलाई सर्पले डसेपछि झारफुक गर्ने क्रममा मृत्यु भएको हो ।
जामुस्थित बाढीपीडितको शिविरमा पालमुनी बस्दै आएकी हरिकलालाई बिहान ५ बजेतिर सर्पले डसेका पञ्चपुरी नगरपालिका–१० का वडा सदस्य नैनसिंह विकले सञ्चारमाध्यमलाई जानकारी दिएका छन् ।
उपचार गर्नुको सट्टा झारफुकमै लागेपछि उनको ८ बजे मृत्यु भएको हो । बिहान शौचालय गएको बेला सर्पले डसेको थियो । उनी स्थानीय जनज्योति आधारभूत विद्यालय जामुमा कक्षा ८ मा अध्ययनरत थिइन् ।
Categorized in समाज
