काठमाडौं । संसदीय सुनुवाइ समितिले विश्वम्भरप्रसाद श्रेष्ठको प्रधानन्यायाधीश पदमा सर्वसम्मतीले अनुमोदन गरेको छ ।
सोमवार सिंहदरबार स्थित संघीय संसद सचिवालयमा भएको सुनुवाइपछि श्रेष्ठको नाम सर्वसम्मतीले अनुमोदन गरेको हो । संसदीय सुनुवाइका लागि पुगेका श्रेष्ठलाई सांसदहरुले विभिन्न प्रश्न गरिएको थियो ।
सांसदहरुले सर्वाेच्च अदालतमा भएको मुद्दाको चाङ कसरी घटाउनुहुन्छ भन्ने प्रश्न सोधेका थिए । सुनुवाइका क्रममा श्रेष्ठले आफूले अदालतमा विचौलिया नियन्त्रणका लागि काम गर्ने बताएका थिए ।
सुनुवाइ समितिमा श्रेष्ठ विरुद्ध ३ वटा उजुरी परे पनि एकमात्र उजुरिकर्ता समितिको सम्पर्कमा आएका थिए ।
सुनुवाइ समितिबाट अनुमोदित श्रेष्ठले राष्ट्रपतिबाट सपथ लिनेछन ।
Categorized in राष्ट्रिय
