काठमाडौं । राहदानी विभागले राहदानी दस्तुर घटाएको छ । ६६ पृष्ठको ठुलो परिणामको राहदानी अब ५ हजार दस्तुर लाग्ने छ ।
विभागले सो राहदानी थन्केर बसेपछि उक्त राहदानी खपत गराउन भन्दै दोब्बर दस्तुर घटाएको हो । यसअघि ६६ पृष्ठको राहदानी बनाउन १० हजार रुपैयाँ दस्तुर लाग्ने गरेको थियो ।
विभागमा रहेको झन्डै ४ लाख ९५ हजार थान राहदानी थन्केपछि विभागले आज (आईतवार)देसख लागू हुने गरी दस्तुरमा ५ हजार रुपैयाँ घटाएको छ ।
विभागले २०७८ साल मंसिर १ गतेदेखि विद्युतीय राहदानी सेवा सुरू गर्दा ३४ पृष्ठ र ६६ पृष्ठ गरी दुई प्रकारको राहदानी सेवा प्रवाह गर्दै आएको थियो ।
६६ पृष्ठको राहादानी खपत गराउन ३४ पृष्ठको राहदानी भने बन्द गरिएको विभागले जनाएको छ ।
त्यसैगरी अब जिल्लाहरूबाट राहदानी बनाउनेहरूले ५ हजार रुपैयाँ र विभागबाट १२ हजार रुपैयाँ दस्तुर बुझाएर ६६ पृष्ठकै राहदानी पाउने छन ।
Categorized in राष्ट्रिय
