काठमाडौं । सरकारले आगामी आर्थिक बर्ष २०८०/८१ का लागि नीति तथा कार्यक्रम सार्वजनिक गरेको छ ।
शुक्रवार संसदको दुवै सदनलाई सम्बोधन गर्दै राष्ट्रपति रामचन्द्र पौडेलले नीति तथा कार्यक्रमको घोषणा गरेका हुन ।
३४ पेज लामो सो कार्यक्रममा विभिन्न राष्ट्रिय हित, जनस्वास्थ्य, जनजिविका, सेवा सुविधा लगायतका विषयका कार्यक्रहरु प्रस्तुत गरिएको छ ।
नीति तथा कार्यक्रम अन्तर्गतनै सरकारले काठमाडौं उपत्यकासहित नदी किनारका भूमिहीनलाई स्थानान्तरण गर्ने घोषणा गरेको छ ।
राष्ट्रपति पौडेलले वास्तविक भूमिहीन र विपन्नलाई स्थानान्तरण गरी नदी किनारका अतिक्रमित भूमिलाई खाली गराउने घोषणा गरेको हो ।
यस्तै उपत्यकालगायत मुलुकका ठुला शहरको फोहोरमैलाको दिगो व्यवस्थापनको लागि नीतिगत र संस्थागत व्यवस्था गर्ने कार्यक्रम ल्याएको छ ।
नीति तथा कार्यक्रममा ओपडी सेवा अबदेखि विहान ८ बजेदेखि राती ८ बजेसम्म संचालन गरिने, बैंक खाता खोल्न, सवारी लाईसेन्स लिन, लालपूर्जा जारी गर्दा राष्ट्रिय परिचयपत्र अनिवार्य गरिने भएको छ ।
त्यसैगरी, उच्च मूल्य बृद्धि नियन्त्रण गरिने, बर्षामा ५० र हिँउदमा ३० युनिट विद्युत खपत गर्नेलाई निःशुल्क बत्ति दिने, उच्च पदस्थहरुको सम्पती छानविन गर्ने कार्यक्रहरु सरकारले ल्याएको छ ।
पूर्ण पाठ
Categorized in राष्ट्रिय
