काठमाडौँ । राष्ट्रपति निर्वाचनको लागि निर्वाचन आयोगले विहिवार नमुना मतपत्र बिहीबार गरेको छ ।
निर्वाचनमा संघीय र प्रदेश सांसदले मतदान गर्नु पर्ने भएकोले मतपत्र पनि दुई रंगको तयारी गरेको आयोगका प्रवक्ता शालिकराम पौडेलले जानकारी दिए ।
संघीय सांसदले प्रयोग गर्ने मतपत्र सेतो कागजमा गुलाबी रङको चिह्न हुनेछ भने प्रदेश सांसदले प्रयोग गर्ने मतपत्र सेतो कागजमा हरियो रङको चिह्न हुनेछ ।
३३१ जना संघीय सांसद र ५५० प्रदेश सांसदले राष्ट्रपति निर्वाचनमा मतदान गर्ने छ ।
राष्ट्रपति चयनका लागि हुने यही फागुन २५ गते बानेश्वरस्थित अन्तर्राष्ट्रिय केन्द्रमा मतदान हुँदैछ ।
राष्ट्रपति पदका लागि नेपाली कांग्रेसका नेता रामचन्द्र पौडेल र नेकपा एमालेका उपाध्यक्ष सुवासचन्द्र नेम्वाङ चुनावी मैदानमा छन ।
Categorized in राष्ट्रिय
