काठमाडौं । महाशिवरात्रि काठमाडौंमा विशेष रुपमा मनाईएको छ ।
आज विहान ११ बजेसम्म पशुपति विकास कोषका अनुसार साढे चार लाख भक्तजनहरुले दर्शन गरेका छन ।
महाशिवरात्रिका अवसरमा पशुपति क्षेत्रमा पाँच हजारभन्दा बढी साधुसन्तको आगमन भएको छ ।
नागाबाबालाई मूल मन्दिरभित्र राखिएको छ। साधुसन्तलाई बिहीबारदेखि नै कोषले भोजन, आवास र धुनीको व्यवस्था गरेको छ । यसमा गुठी संस्थानको पनि सहयोग छ ।
पशुपति क्षेत्र विशेष रूपमा सिँगारिएको छ । दर्शनार्थीलाई व्यवस्थित रुपमा दर्शन ब्यापक सुरक्षाकर्मी र स्वंमसेवकहरु खटाईएको छ ।
आज विहान देखिनै पशुपतिनाथका चार ढोका खुला गरिएको थियो । उत्तरतर्फको लाम चाबहिल चोकभन्दा माथि पुगेको थियो भने पश्चिमतिरको लाम गौशाला चोक, दक्षिणतिरको लाम त्रिभुवन अन्तर्राष्ट्रिय विमानस्थल नजिक र पूर्वतर्फको लाम गौरीघाटसम्म पुगेको थियो ।
महाशिवरात्रिकै अवसरमा राष्ट्रपति विद्यादेवी भण्डारीले बेलुकी पूजा एवं दर्शन गरेकी छिन ।
यसै गरी काठमाडौंको न्यूरोडस्थित शिव मन्दिरमा हजारौंको संख्यामा आएका भक्तजनहरुले दर्शन गरेका छन ।
भक्तपुरको डोलेश्वरमा पनि शिव दर्शनको लागि भक्तजनहरुको घुईचो रहेको थियो ।
पशुपति क्षेत्र, तस्वीरहरुः बिज्जु श्रेष्ठ/महानगरखबर
डोलेश्वर महादेव, तस्वीरहरुः रमेश शाक्य/महानगरखबर
Categorized in सम्पदा/संस्कृति
