काठमाडौं । सरकारले गैर नेपालीहरुलाई पनि नागरिकता दिन सकिने गरी एक संसदमा एक विधेयक प्रस्ताव गरेको छ ।
सरकारले संसदमा पेश गरेको नागरिकता कानुनलाई संशोधन गरेर नागरिकता दिनका लागि ५ प्रमाणसहित निवेदन दिनुपर्ने कानुन ल्याउने तयारी गरेको हो ।
विधेयकमा गैर आवासीय नागरिकता दक्षिण एसियाबाहेक अरू देशमा बसोबास गर्नेले मात्र पाउने प्रस्ताव छ ।
नेपाली नागरिकता त्यागेर विदेशमा बसेका व्यक्तिलाई आर्थिक, सामाजिक र सांस्कृतिक अधिकार दिलाउने नागरिकताको प्रस्ताव गरेको हो ।
नागरिकताको लागि गैरआवसिय नागरिकले बाबु वा आमा तथा बाजे वा बजै यसअघि नेपालकै नागरिक भएको पहिलो प्रमाण पेश गर्नु पर्ने छ ।
त्यसैगरी पहिले नेपाली नागरिकता लिएको भए त्यसलाई त्यागेको दोस्रो प्रमाण र तेस्रो, विदेशी मुलुकको नागरिकता लिएको प्रमाण उपलब्ध गराउनु पर्ने छ ।
चौथो प्रमाणको रुपमा दक्षिण एसियाली बाहेकका मुलुकमा बसोबास गरेको र पाँचौ प्रमाणको लागि नेपालको संविधान र कानुनको परिपालना गर्ने प्रतिबद्धता पत्र पेश गर्नु पर्ने विधेयकमा उल्लेख छ ।
सो पेश गरेको विवरण झुटा ठहरे गैर आवासीय नागरिकता लिने व्यक्तिलाई तीन महिनादेखि १ वर्षसम्म कैद र २५ हजारदेखि ५० हज़ार जरिवाना हुने प्रस्ताव विधेयकले गरेको छ ।
Categorized in राष्ट्रिय
