४ मङ्सिर २०८३, बिहिबार
Binod Yojesh Ram

बञ्चरेडाँडामा पक्राउ परेका स्थानीय रिहा, भोली बार्ता


प्रकाशित: विहिवार, २६ जेठ २०७९, १८ः०० बजे
- महानगरखबर

काठमाडौं । फोहर व्यवस्थापनमा अवरोध पुराएको भन्दै पक्राउ परेका बञ्चरेडाँडाका स्थानीय रिहा भएका छन ।


विहिवार प्रहरीले नियन्त्राणमा लिएका बञ्चरेडाँडा संघर्ष समितिका संयोजक श्रीराम ढुंगाना, तपन उप्रेती र कृष्ण बजगाईलाई रिहा गरेका छन । 


काठमाडौंको फोहोर स्थानीयसँग सहमित नगरी बञ्चरेडाँडामा प्रहरी लगाएर फोहर फालेपछि स्थानीय आन्दोलनमा उत्रेका थिए । सो आन्दोलनको क्रममा उनीहरुलाई प्रहरीले नियन्त्रणमा लिएको थियो ।


आन्दोलनले चर्को रुप लिन थालेको र फोहरको थुप्रोले काठमाडौं दुुर्गन्धीत बनेपछि सरकारले वार्ताको पहल सुरु गरेको छ ।   


भोली (शुक्रवार) सरकारले आन्दोलरत स्थानीयलाई वार्तामा वोलाएका छन । वार्तामा सरकार तर्फबाट सहरी विकास मन्त्री रामकुमारी झाँक्री, आन्दोलनरत संघर्ष समितिका संयोजक श्रीराम ढुंगाना, फोहोरमैलाबाट प्रभावित नुवाकोट र धादिङका वडाध्यक्ष, नुवाकोटका कांग्रेस नेता प्रकाशशरण महत लगायत सहभागी हुने छन्।


यस अघि सोमवार मन्त्रालयले नुवाकोटको ककनी गाउँपालिका र धादिङको धुनिबेसी नगरपालिका प्रमुखलाई मात्र राखेर बञ्चरेमा फोहोर फाल्ने सम्झौता गरेको  थियो ।


सरकारले १७ वर्षदेखि काठमाडौंको फोहोर सिसडोलमा फाल्दै आएको छ । सिसडोल भरिएपछि बञ्चरेडाँडा डम्पिङ साइटमा फाल्न खोजिएको हो । 


डम्पिङ साइट निर्माण पूरा नहुँदै र बञ्चरेका बासिन्दाको माग बेवास्ता गर्दै फोहोर फाल्ने निर्णय भएको भन्दै स्थानीय आन्दोलित छन्।

asteriskhubs
Home Page Bottom Second


nuhadya 1147
binod rajbhandari
Yogesh Khadgi KMC 27
maharjan complex
ramkrisna naya bachat
dev dai naya bachat
kmc 12 bala
bagmati gaupalika