काठमाडौं । काठमाडौं महानगरपालिकाले सोमवारबाट महानगरवासीको जन गुनासो सुन्न कल सेन्टर सुरु गरेको छ ।
कल सेन्टर (गुनासो व्यवस्थापन तथा सोधपुछ केन्द्र) सञ्चालनमा ल्याएको महानरपालिकाले जनाएको छ ।
महानगरको १६ जेठमा बसेको महानगर प्रमुख बालेन्द्र साहको अध्यक्षता बसेको पहिलो कार्यपालिका बैठकले ७ दिनभित्र कल सेन्टर सञ्चालन गर्ने निर्णय अनुसार आजबाट राष्ट्रिय सभागृहमा केन्द्रमा कल सेन्टर सञ्चालनमा ल्याइएको हो ।
महानगरका सूचना प्रविधि विभागका प्रमुख नमराज ढकालका अनुसार निःशुल्क टेलिफोन नम्बर १६६००१०५५११ मा सम्पर्क गर्न सकिने जानकारी दिए ।
कल सेन्टरको क्षमता एकैपटक १५ वटा टेलिफोन रिसिभ गर्न सकिने छ । कल सेन्टरमा कसैले टेलिफोन गरेपछि त्यो सीडीआर (कल डिटेल रेकर्ड) महानगरको सर्भरमा रेकर्ड हुने व्यवस्था गरिएका उनले बताए ।
Categorized in स्थानिय
