काठमाडौँ । एमालेले शनिवार काठमाडौं महानगरको भित्री सहरमा पदयात्रा गरी घर–दैलो कार्यक्रम सम्पन्न गरेको छ ।
एमाले वरिष्ठ उपाध्यक्ष तथा काठमाडौँ महानगर निर्वाचन परिचालन निर्देशक समितिका संयोजक ईश्वर पोखरेलले पदयात्राको उद्घाटन गरी सुरु गरेका थिए ।
संयोजक पोखरेलले कार्यक्रमलाई सम्बोधन गर्दै टोल टोल, घर–घरमा गएर एमालेको नीति तथा कार्यक्रहरु मतदातालाई बुझाउन उम्मेदवारहरुलाई निर्देशन दिएका छन ।
हनुमानढोकास्थित कालभैरव नजिकैबाट सुरु भएको पदयात्रा बसन्तपुर, जैशीदेवल, लगन, भिमसेनस्थान, नरदेवी, अनशन, क्षेत्रपाटी, बाङ्गेमुढालगायतका स्थानसम्म पुगेको थियो ।
महानगर भित्रको कोर सिटीका ११ वटा वडाहरु १२, १७, १८, १९, २०, २१, २२, २३, २४, २५ र २७ भित्र पैदल यात्रा गरेको हो ।
एमालले यस अघि २०७४ को स्थानिय निर्वाचनमा महानरका भित्री वडाहरु १२, १८, २१, २२, २३, २४ र २७ मा जित हासिल गरेका थिए । यी सबै वडाका निर्वतमन अध्यक्ष्हरु फेरि अध्यक्षको उम्मेदवार बनेका छन ।
काठमाडौँ महानगर कमिटीका अध्यक्ष निर्मल देउलाले महानगर मेयेर उम्मेदवार केशव स्थापित र उपमेयर सुनिता डंगोललाई मतदाताले घर–घर, चोक–चोक र गल्ली–गल्लीमा स्वागत गरेको जानकारी दिए ।
मतदाताहरुले उनीरुलाई सगुन खुवाएर विजयको शुभकामना समेत दिएको उनले बताए ।
जैशीदेवल नजिकै र्याली पुग्दा ७५ वर्षीया मोतिदेवी महर्जनले खुशी हुँदै मेयर–उपमेयर पदका उम्मेदवारलाई एकछिन रोकेर सगुनसहित जितको शुभकामना दिइकी थिइन ।
हातमा बोकेको नेवारी सगुन अर्थात अण्डा, माछा, रक्सीसहितले मोतिदेवी लगायतको टीमले गरेको स्वागतलाई मयेर स्थापितले ग्रहण गरेका थिए । स्थापितले आमाको आशिर्वादले आफ्नो बिजय सुनिश्चित भएको पत्रयात्रामा सहभागीहरुलाई सुनाएका थिए ।
त्यसैगरी उपमेयरकी उम्मेदवार डंगोललाई पनि मतदातहरुले आशिर्वाद र शभकामना दिएका थिए । उनले यहाँका मतदाताले देखाएको अपार स्नेह र सद्भावले उत्साहित हुँदै जित सुनिश्चित भएको बताईन ।
पदयात्रामा ठुलो सख्ंयामा जनसहभागीता देखिन्थ्यो । पदयात्रामा काठमाडौँ महानगरपालिकाका मेयर विद्यासुन्दर शाक्य, नेकपा (एमाले)का स्थायी कमिटी सदस्य कृष्णगोपाल श्रेष्ठ, प्रदेशसभा सदस्यहरु डाक्टर अजयक्रान्ति शाक्य, राजेश शाक्यलगायत पनि सहभागीता थियो ।
तस्वीरहरुः बिज्जु श्रेष्ठ/महानगरखबर






Categorized in स्थानिय