काठमाडौँ । काठमाडौं महानगरपालिका वडा नं. २३ का ख्याल प्याखँ र दबूँ प्याखँका कलाकारहरुलाई सम्मान गरिएको छ ।
वडाद्धारा अयोजित सो सम्मान कार्यक्रममा ५५ जना कलाकारहरुलाई सम्मान गरिएको थियो । सो अवसरमा कार्यक्रमका प्रमुख अतिथी विद्यासुन्दर शाक्यले कलाकारहरुलाई सम्मान गरेका थिए ।
वडाध्यक्ष मचाराजा महर्जनले परम्परागत चालचलन जोगाउन आफूले कलाकारहरुलाई सम्मान गरको बताए । पहिले मनोरञ्जनका लागि डवलीमा परम्परागत नाच देखाउने गरिन्थ्यो । प्रविधिको विकाससँगै परम्परागत मनोरञ्जनका विधिहरु ओझेलमा परेको वडा अध्यक्ष महर्जनको भनाई छ ।
सो अवसरमा वेइमान भनिरे चिनिने रवि डंगोल लगायतका कलाकारहरु सम्मानित भएका थिए ।
ख्यालः प्याखँ र दबू प्याखँमा महिलाको भूमिकामा पुरुषहरुले नै अभिनय गर्ने चलन छ । बाद्यबादकले बजाएको बाजाको ताल र सुरमा नाच प्रस्तुत गर्ने गरिन्थ्यो ।
यसप्रकारका परम्परागत नाच, बाद्य सामाग्री, श्रृङ्गार, पोशाकको मौलिकता जोगाउन महानगरले कार्यक्रम सञ्चालन गरिरहेको छ ।
Categorized in सम्पदा/संस्कृति
