४ मङ्सिर २०८३, बिहिबार
Binod Yojesh Ram

काठमाडौमा कांग्रेस महानगरको मतगणना सुरु, यी पालिकाहरुको परिणाम सार्वजनिक 


प्रकाशित: आईतवार, १७ असोज २०७८, १८ः३० बजे
- महानगरखबर

काठमाडौं । नेपाली कांग्रेसको काठमाडौं महानगरसमितिको सभापतिको लागि आज मतगणना सुरु भएको छ । 


आईतववार भएको निर्वाचनमा १३३९ मत खसेको निर्वाचन समितिले जनाएको छ । सभापतिको लागि प्रगतिमान रञ्जित र नीलकाजी शाक्य प्रतिस्पर्धामा छन । 


शनिवार सम्पन्न नेपाली कांग्रेसको काठमाडौ जिल्लाको नगर अधिवेशनको परिणामहरु सार्वजनिक हुन थालेको छ । 


११ पालिका रहेको काठमाडौंमा काठमाडौं महानगरसहित १० नगरपालिका कांग्रेसको नगर अधिवेशन कांग्रेसले जनाएको छ । 


बुढानीलकण्ठ नगर समितिको सभापतिमा राजाराम बुढाथोकी विजयी भएका छन । निर्वाचनमा बुढाथोकी एक सय ५५ मत ल्याएर विजयी भए भने उनका निकटतम प्रतिस्पर्धी राजन बुढाथोकीले ६८ मत पाए । 


सभापति पदका अर्का उम्मेदवार राजुविक्रम थापाले ४८ मत पाएको निर्वाचन समितिले जनाएको छ । उपसभापतिमा सानुकान्छा श्रेष्ठ र शम्भु कार्की विजयी भएका छन ।


कागेश्वरी–मनहराको नगर अधिवेशनबाट उद्धव दाहाल सभापतिमा निर्वाचित भएका छन । सभापति पदका प्रत्यासी मिठ्ठाराम दाहालले एक सय ३८ मत पाए । 


तारकेश्वरको नगर सभापतिमा कृष्णहरि महर्जन विजयी भएका छन । महर्जनले एक सय ३५ मत प्राप्त गरी विजयी भए प्रत्यासी उम्मेदवार श्रीराम थापाले एक सय १४ मत ल्याए । सभापतिका अर्का उम्मेदवार मुकुन्द तिमिल्सिनाले जम्मा २ मत पाए । 


यस्तै उपसभापतिमा जमुना तिमिल्सिना र नवराज अर्याल विजयी भएका छन । सचिवमा राजु फुँयाल र शंकर तिमिल्सिना विजयी भएका छन भने सहसचिवमा अप्सरा खड्का र सरस्वती पौडेल विजयी भएको निर्वाचन समितिले जनाएको छ ।


शंखरापुर नगरपालिकाको कांग्रेस सभापतिमा दीलिपकुमार श्रेष्ठ निर्वाचित भएका छने प्रत्यासी उम्मेदार सत्यमान लामा पराजित भएका छन । उपसभापतिमा मिलन खड्का र अमित प्रधान विजयी भए भने सचिवमा रनबहादुर तामाङ र स्वयम्भूलाल श्रेष्ठ विजयी भएको निर्वाचन समितिले जनाएको छ । 


त्यसैगरी टोखा नगरपालिकाको नगर सभापतिमा ओमकृष्ण विमली निर्वाचित भएका छन । विमलीले एक सय १७ मत प्राप्त गरेर विजय भए ।   नगर कार्यसमितिको उपसभापतिमा ऋषिराम अर्याल र मनराज अधिकारी निर्वाचित भएका छन भने सचिवमा नरेन्द्र बाँनिया र द्वारीका कुँइकेल विजयी भएका छन ।


गोकर्णेश्वरमा कुमार लामाले एक सय नौ मत प्राप्त गरेर नगर सभापतिमा विजयी भएका छन । उनका प्रतिस्पर्धी रामजी श्रेष्ठले ९३ मत प्राप्त गरेका थिए । 


उपसभापतिमा विकास श्रेष्ठ र बटुकृष्ण ढुंगेल निर्वाचित भएका छन भने सचिवमा जयराम विष्ट र रमेश रिजाल विजयी भएका छन । सहसचिवमा अशोक नेपाल र गोकुल सिम्खडा निर्वाचित भएका छन ।


नागार्जुन नगरअधिवशेनबाट नगर कार्यसमितिको सभापतिमा दुर्गा गौतम विजयी भएका छन । उनले प्रत्यासी उम्मेदवार अच्यूत पाण्डेलाई पराजित गरेका हुन ।


दक्षिणकाली नगरपालिकाको एउटा वडामा अधिवेशन नभएकाले नगर अधिवेशन हुन सकेन  


काठमाडौंमा संस्थापन भनेर चिनिने प्रकाशमान सिंह र अर्का नेता गगनकुमार थापाको एउटा समूह छ भने पार्टी सभापति शेरबहादुर देउवा र पूर्वमहामन्त्री कृष्णप्रसाद सिटौला पक्ष एक ठाउँमा देखिएका छन । 


तस्वीरः राजीव श्रेष्ठको फेसबुकबाट 

asteriskhubs
Home Page Bottom Second


nuhadya 1147
binod rajbhandari
Yogesh Khadgi KMC 27
maharjan complex
ramkrisna naya bachat
dev dai naya bachat
kmc 12 bala
bagmati gaupalika