काठमाडौं । सरकारका अर्थमन्त्री विष्णु पौडेलले आगामी आर्थिक बर्ष २०७८/७९ बजेट प्रस्तुग गरेको छ ।
आईतवार सरकारले प्रस्तुत गरेको बजेटमा साउन १ गते ज्येष्ठ नागरिकको मासिक भत्ता मासिक ४ हजार रुपैयाँ पुगाएको छ ।
सबै प्रकारका सामाजिक सुरक्षा भत्ता ३३ प्रतिशत वृद्धि गरेको गरेको छ । सामाजिक सुरक्षाका लागि १ खर्ब रुपैयाँ विनियोजन गरेको छ ।
तत्कालिन अर्थमन्त्री भरतमोहन अधिकारीले ७५ वर्ष पुरा भएका वृद्धवृद्धाका लागि मासिक एक सय रुपैयाँ सामाजिक सुरक्षा भत्ता घोषणा गरेका थिए । अहिले ७० वर्ष उमेर पुगेका वृद्धवृद्धालाई मासिक भत्ता दिने गरिन्छ ।
त्यसैगरी निषेधाज्ञाको अवधिमा विद्युत महसुल छुटको घोषणा गरेको छ । मासिक २० युनिटसम्म विद्युत खपत गर्नेलाई शत प्रतिशत छुटको घोषणा गरिएको हो ।
निषेधाज्ञा अवधिभर खाद्य व्यवस्था तथा व्यापार कम्पनी र साल्ट ट्रेडिङबाट खाद्यान्न र खाना पकाउने ग्यास खरिद गर्दा २० प्रतिशत छुट पाइने भएको छ ।
निषेधाज्ञा अवधिभर दुई संस्थाबाट उपभोक्ताले खरिद गर्ने चामल, पिठो, दाल, नुन, चिनी र खाना पकाउने ग्यासमा २० प्रतिशत छुट पाइने भएको छ ।
Categorized in बजार