काठमाडौं । काठमाडौंका सबै सरकारी अस्पताल अब कोभिड अस्पताल हुने भएको छ ।
स्वास्थ्य तथा जनसंख्या मन्त्रालयका सचिव लक्ष्मण अर्यालका अनुसार संक्रमितहरूको चापलाई मध्यनजर गरेर सबै सरकारी अस्पतालहरूलाई कोभिड अस्पताल बनाउने निर्णय गरिएको हो ।
अहिले संक्रमितहरुको संख्या उच्च रहेको र अक्सिजनको अभाव पनि उतिनै भएकोले संक्रमितहरुको उपचारमा चुनौती रहेको समेत मन्त्रालयले जनाएको छ ।
अहिले १५ हजार सिलिण्डर अक्सिजनको आवश्यक रहेको तर काठमाडौंमा उद्योगहरूबाट ८ हजार र अस्पतालहरूबाट २ हजार गरी दश हजार सिलिन्डर उत्पादन हुने भएको छ ।
काठमाडौंमा अहिले टेकु अस्पताल र ट्रमा सेन्टरमा लिक्विड अक्सिजन रहेको उनले जनाए ।
Categorized in स्वास्थ्य
