काठमाडौं । सरकारको सोमवार बसेको मन्त्रिपरिषद्को बैठकले हिउँदे अधिवेशन अन्त्यको सिफारिस गर्ने निर्णय गरेको छ ।
मन्त्रिपरिषदले गरेको सिफारिसमा राष्ट्रपतिले अधिवेशन अन्त्य र आह्वान गर्ने संवैधानिक व्यवस्था छ । हिउँदे अधिवेशन अन्त्य भएपछि बजेट अधिवेशन सुरु हुने छ ।
जेठ १५ गते बजेट ल्याउने र त्यसअघि नै सरकारका नीति तथा कार्यक्रम सार्वजनिक गर्नुपर्ने भएकाले अधिवेशन अन्त्यको निर्णय गरिएको हो ।
प्रधानमन्त्री केपी शर्मा ओलीले विघटन गरेको संसद सर्वोच्चले फागुन ११ गते पुनस्र्थापना आदेश दिएपछि गत फागुन २३ गतेदेखि हिउँदे अधिवेशन सुरु भएको थियो ।
Categorized in राष्ट्रिय
