काठमाडौं । प्रधानमन्त्री केपी शर्मा ओलीले मंगलवार विहान सुरक्षा परिषदको बैठक बोलाएको छ ।
बिहान ९ बजे सिंहदरबारस्थित परिषदको कार्यालयमा बस्ने बैठक नियमित भएको परिषदका सदस्य सचिव एवम् रक्षा मन्त्रालयका सचिव रेश्मीराज पाण्डेले बताएका छन ।
बैठकको खासै ऐजण्डा नभएको पनि मुलुकको पछिल्लो राजनीतिक घटनाक्रमलाई मध्यनजर गर्दै बैठक बोलाइएको अनुमान गरिएको छ ।
परिषद्को बैठक राष्ट्रिय विपद र सुरक्षामा खतरा पैदा भए बैठक बस्ने गरेको छ । यसअघि गत कात्तिकमा सुरक्षा परिषदको बैठक बसेको थियो ।
प्रधानमन्त्री अध्यक्ष रहने सुरक्षा परिषदमा रक्षामन्त्री, गृहमन्त्री, परराष्ट्रमन्त्री, अर्थमन्त्री, मुख्य सचिव र प्रधानसेनापति सदस्य रहन्छन ।
Categorized in राष्ट्रिय