काठमाडौं । भक्तपुर नगरपालिकामा पुस १ देखि विद्यालय सञ्चालन हुने भएको छ ।
नगरपालिका प्रमुख सुनील प्रजापतिका अनुसार कक्षा ८, ९ र १० का विद्यार्थीलाई आलोपालो प्रणालीबाट पढाउन अनुमति दिने निर्णय गरेको हो ।
नोवेल कोरोना भाइरस (कोभिड–१९) का कारण बन्द रहेको विद्यालय पुषबाट सञ्चालनमा आउने भएको हो ।
प्रजापतिले नगरवासी अभिभावक, विद्यार्थी, शिक्षक—शिक्षिका, विद्यालय सञ्चालकलगायत सरोकारवालाहरूबाट प्राप्त राय सुझाव र शिक्षा, विज्ञान तथा प्रविधि मन्त्रालयबाट स्वीकृत विद्यालय सञ्चालनसम्बन्धी कार्यढाँचा–२०७७ बमोजिम नगरभित्रका विद्यालयहरूमा स्वास्थ्य सुरक्षासम्बन्धी मापदण्ड पालना अनिवार्य गरिएको बताएको छ ।
Categorized in समाज
