काठमाडौं । सरकारले टुकुचा (इचु) खोलाको पानीलाई प्रशोधन गर्नको लागि टेण्डर आव्हान गरेको छ ।
खोला आसपास बसेका बस्तीबाट निस्कने ढललाई व्यवस्थित गर्न पाइपलाइन बिछ्याउन खर्चिलो देखेपछि खोलाको ढललाई नै सीधै प्रशोधन गर्ने गरी पानी उपचार केन्द्र बनाउन लागिएको हो ।
टुकुचाको किनारमा दायाँ–बाँया ढलको पाइप बिछ्याउने काम सम्भव नदेखिएकोले पानी प्रसोधन गरेर बाग्मतीमामा प्रशोधित पानी मिसाउने तयारी गरेको हो ।
बाग्मती सभ्यता एकीकृत विकास समितिका सिनियर डिभिजनल इन्जिनियर रवीन्द्र रायका अनुसार टुकुचा खोलाबाट बग्ने फोहोर पानीलाई प्रशोधन गर्ने गरी टुकुचा क्षेत्रमै प्रशोधन प्लान्ट बनाउन टेन्डर आहृवान भएको हो ।
उनका अनुसार हिँउदमा लेदो भएर बेग्ने टुकुचा खोलाको ढललाई बाग्मतीमा मिसिनुभन्दा अघि नै शद्धीकरण गर्ने योजना अनुरुप यो टेन्डर भएको हो ।
टुकुचामा पानी प्रसोधनको लागि निर्माण गरिने केन्द्रको लागि करिब साढे ३ अर्ब रुपैयाँ लाग्ने अनुमान गरिएको छ ।
अब बन्ने प्रशोधन केन्द्रबाट दिनमा १ करोड ६३ लाख लिटर पानी प्रशेधन भएर बागमतीमा खसालिनेछ । यो प्लान्टलाई दुर्गन्धरहित र व्यवस्थित रुपमा सञ्चालन गरिने समितिलेजनाएको छ ।
Categorized in समाज
