१५ जना कोरोना संक्रमित थपिए
काठमाडौं ।आज झापामा ९ जना, सुनसरीमा २ जना र कपिलवस्तुमा ४ जना कोरोना संक्रमण पुष्टि भएका छन ।
मंगलवार झापा र सुनसरीमा संक्रमण पुष्टि भएकाहरुका कोशी अञ्चल अस्पताल विराटनगरको प्रयोगशाला पीसीआर परीक्षण गरिएको थियो ।
कोशी अस्पतालकी मेडिकल सुपरिटेण्डेन्ट डा. संगीता मिश्राका अनुसार झापाका संक्रमितहरु केचनकवल गाउँपालिकाका भएका अनलाईनखवरले समाचार प्रकाशित गरेको छ ।
समाचार अनुसार सुनसुरीका कोरोना संक्रमण पुष्टि भएका २ जनाको विपी कोइराला स्वास्थ्य विज्ञान प्रतिष्ठान धरानमा परीक्षण गरिएको थियो ।
संक्रमितहरु इटहरीका १८ वर्षका युवक र अर्का व्यक्ति सशस्त्र प्रहरी कर्मचारी रहेको खुलेको छ ।
आजै कपिलवस्तुको मायादेवी गाउँपालिका– ४ का ३ जना र वडा नं ३ का एक जना पुरुषमा कोरोना संक्रमण पुष्टि भएको छ ।
मायादेवी गाउँपालिका ४ का ४०, ४२ र ४५ वर्षका पुरुष र वडा नं ३ का २० वर्षका पुरुषको भैरहवाको प्रदेश जनस्वास्थ्य प्रयोगशालामा पीसीआर विधिबाट गरिएको परीक्षणबाट कोरोना संक्रमण पुष्टि भएको हो ।
उनीहरु १४ दिनअघि भारतको मुम्बईबाट आएर मायादेवी गाउँपालिकाको जनता प्रावि बलुहवाको क्वारेन्टाइनमा बस्दै आएका थिए ।
Categorized in राष्ट्रिय
