काठमाडौं । सिन्धुपाल्चोकको जुगल गाउँपालिकामा केही दिन यता कोरना भाईरसका विरामी जस्तै लक्षण भएका विरामी भेटिएको छ ।
वडा ३ को गुम्बा गाउँमा गत आइतबार स्कूले केटाकेटीमा देखिएको रुघाखोकी, ज्वरो पछि अन्यमा पनि धमाधम सर्न थालेपछि स्थानीयले गाउँपालिकालाई खबर गरे ।
गाउँपालिकाले चारजना स्वास्थ्यकर्मीलाई गुम्बामा पठाएर चेक जाँच गरेपछि कोरोना भाइरसको लक्षणसँग मिल्ने भन्दै गाउँपालिकालाई खबर पछि गाउँपालिकाले स्वास्थ्य मन्त्रालय लगायत माथिका निकायलाई पत्र लेखेको सेतोपाटीमा प्रकाशित समाचारमा उल्लेख छ ।
समाचार अनुसार विरामीमा देखिएका लक्षण कम हुँदै गएको पनि गाउँपालिकाकी उपाध्यक्ष सिर्जना तामाङको भनाई छ ।
उपाध्यक्ष तामाङले सुरुमा कोरोना भाइरससँग लक्षण मिल्ने देखिएपनि औंषधी चलाएपछि अहिले लक्षण कम हुँदै गएको बताएकी छिन ।
गाउँपालिका प्रमुख प्रशासकिय अधिकृत लक्ष्मण विकका अनुसार करिब १०० जनामा यस किसिमको लक्षण देखिएको बताएका छन ।
Categorized in स्वास्थ्य