काठमाडौं । ललितपुरको बुखुन्डोलस्थित एक कवाडीखानामा भीषण आगलागी भएको छ ।
आईतबार बिहान ११ः२० बजेतिर आगो लागेको प्रहरीले जनाएको छ ।
ललितपुरको बखुन्डोलस्थित उत्तर कोरियाली दूतावास नजिकै भएको उक्त कवाडीखाना लागेको आगलागी नियन्त्रणको लागि काठमाण्डौ र ललितपुरको दमकलल प्रयोग गरिएको थियो ।
आगोले आसपासका घरमा समेत क्षति पुराएपनि के कति क्षति भएको बारे विस्तृत विवरण आउन बाँकी रहेको प्रहरीले जनाएको छ । आगलागीको कारण खुल्न सकेको छैन ।
Categorized in समाज
