काठमाडौं । नेपाल कम्युनिष्ट पार्टीको आईतबार बसेको सचिवालय बैठकले प्रदेश ३ को नाम बागमती राख्ने निर्णय गरेको छ ।
बैठकले प्रदेश ३ को राजधानी राजधानी हेटौडा बनाउने समेत निर्णय गरेको छ ।
मुख्यमन्त्री डोरमणि पौडेलले पुस २० गतेभित्रै नाम र राजधानी टुंगो लाग्ने जानकारी दिँदै पार्टीको सचिवालय बैठकको निर्णयबारे जानकारी भएको बताएका छन ।
आईतबार सेतोपाटीडटकममा प्रकाशित समाचार अनुसार पुष २० गते संसदको बसेपछि प्रदेशको नाम र राजधानीले बैधानिकता पाउने मुख्यमन्त्री पौडेलको भनाई छ ।
पार्टीको निर्णयले मात्र प्रदेशको नाम र राजधानी कायम नहुने मुख्यमन्त्री पौडेलले बताए ।
प्रदेश ३ मा नेकपाको २ तिहाइ नेतृत्वको सरकार छ । १ सय १० सदस्यीय प्रतिनिधि सभामा नेकपाका ८० कांग्रेसका २२ र अन्य दलका ८ जना सांसद छन ।
Categorized in राष्ट्रिय
