काठमाडौं । काठमाडौं उपचारको लागि ल्यादै गरेको एक बिरामीको सडक जाममा परि मृत्यु भएको छ ।
रौतहटबाट काठमाडौं आउँदै गरेको ना ७ ख ५३६४ नंको बसमा मिर्गौला रोगी रौतहटको गौर नगरपालिका–७ का ३५ वर्षीय रुपलाल शाहको मृत्यु भएको छ ।
थाक्रे गाउँपालिका–२, हुलाकडाँडास्थित राजमार्गमा बसभित्र शाहको आमाको काखमा मृत्यु भएको प्रहरीले जनाएको छ ।
त्रिभुवन राजपथमा सडक मर्मत तथा ठूला सवारीसाधनले आवागमनमा बाधा पुर्याएपछि भएको जामका कारण सो दुर्घट्ना हुन गएको हो ।
शाहलाई डायलसिसका लागि सार्वजनिक यातायातमा जामका कारण लामो जाममा १२ घण्टाभन्दा बढी समय कुर्नु पर्दा उनको मृत्यु भएको हो ।
एम्बुलेन्समा ल्याउन पैसा अभाव भएपछि शाहलाई रात्रिबस चढाएर ल्याइँदै थियो ।
Categorized in समाज
