काठमाडौं । काठमाडौंको स्वयम्भू क्षेत्रबाट फुत्केर आएको राँगाले उप्रदो मच्चाई मानिसमाथि आक्रमण गरेपछि प्रहरीले गोली चलाएको हो ।
प्रहरीले कठमाडौं महानगरपालिका २२ वडा न्यूरोड प्लाजास्थित उक्त राँगालाई नियन्त्रणमा लिन गोली प्रहार गरेको महानगरीय प्रहरी बृत्त जनसेवाका प्रहरी नायब उपरीक्षक बासुदेव खतिवडाले बताएका छन ।
राँगाको आक्रमणबाट ३ जना घाईते भएका छन भने एक ट्याक्सीमा सामन्य क्षति पुराएको प्रहरीले जनाएको छ ।
महानगरीय प्रहरी परिसर काठमाडौंका अनुसार मंगलबार बिहान चार बजे स्वयम्भू, कालिमाटी हुँदै न्युरोड आइपुगेको थियो ।
राँगाले उत्पाद मच्चाउन थालेपछि साढे ६ बजे बिहान न्युरोड पुगेको राँगोलाई प्रहरीले गोली हानेको थियो ।
राँगा धनी अहिलेसम्म प्रहरी सम्पर्कमा भने नआएको र कसरी फुत्कियो वा कहाँबाट आयो भन्ने पूरै यकिन नभएको प्रहरीले बताएको छ ।
भिडियो रिफयुजी देउलाको फेसबुक पेजबाट
Categorized in समाज
