काठमाडौं । मेलम्ची खानेपानी आयोजनाबाट पीडित आन्दोलनरत स्थानीय मजदुर र प्रहरीविच विहिवार झडप भएको भएको छ ।
सो झडपमा परी २ जना प्रहरी र २ जना मजदुर घाईते भएको इलाका प्रहरी कार्यालय हेलम्बुका प्रहरी निरीक्षक मणिराम लामिछानेले जानकारी दिए ।
खानेपानीको मुहान अम्बाथानमा धर्नामा बसेको स्थानीय मजदुर र प्रहरीबिच झडप हुँदा प्रहरीले ६ राउण्ड अश्रु ग्यास तथा २ राउण्ड हवाइ फायर भएको छ भने आन्दोलनकारीले ढुङ्गामुढा प्रहार गरेका छन ।
आन्दोलनकारीरले मेलम्ची आयोजनाको सवारी साधनमा ढुङ्गा प्रहार गरेका थिए । प्रहरीले निर्धारित गरेका घेरा मजदुरले तोड्न खोजेपछि झडप भएको प्रहरी निरीक्षक लामिछानेले बताए ।
अम्बाथानमा पूर्वमन्त्री एवम प्रतिनिधिसभा सदस्य शेरबहादुर तामाङ, प्रमुख जिल्ला अधिकारी, प्रदेशसभा सदस्य लगायतको टोली अवलोकन गर्न पुगेका थिए ।
आयोजनास्थलका स्थानीय मजदुरहरूको तीन महिनाको तलब र सञ्चय कोष बापतको नौ करोड ७४ लाख रुपैयाँ कम्पनीले भुक्तानी गर्न बाँकी छ । सोहि रकम खोज्दै स्थानीय आन्दोलित भएका हुन् ।
Categorized in समाज
