काठमाडौं । कंलकीस्थित पशुपति गेष्ट हाउसमा लगेर १७ बर्षिया किशोरीलाई सामूहिक बलात्कार गर्ने २ जनालाई प्रहरीले पक्राउ गरेको छ ।
महानगरीय प्रहरी बृत्त कालिमाटीको टोलीले काठमाडौं महानगरपालिका–१४ कलंकीबाट धादिङ गजुरी गाउँपालिका–१ घर भएका २३ वर्षीय रबिन श्रेष्ठ र धादिङ ज्वालामुखी गाउँपालिकाका ३० वर्षीय मदन थापामगरलाई पक्राउ गरेको हो ।
दैलेख घर भएकी ती किशोरीलाई सामूहिक बलात्कार गरेको विषयमा अनुसन्धान अघि बढाएको प्रहरीले जनाएको छ ।
प्रहरीले तीनै किशोरीलाई बलात्कार गरेको अभियोगमा थानकोट प्रहरीले अर्को एक जनालाई पनि नियन्त्रणमा लिइएको छ ।
एउटै किशोरीलाई दुई पटक सामूहिक बलात्कार भएको घटनाको सूक्ष्म अनुसन्धान अघि बढेको प्रहरीले बताएको छ ।
Categorized in समाज
